Za a buɗe bikin fina-finai na farko a ƙasar Saudiyya a birnin Jeddah – kasa da shekaru hudu da ɗage haramcin nuna fina-finai a ƙasar.
Bikin fina-finai a ƙasar zai gudana ne na tsawon kwanaki 10 inda za nuna fina-finai138 daga sassan duniya.
Za a karrama darakta mace ta farko a Saudiyya Haifa al-Mansour – wacce ta fara fim din Wadjda da ta lashe kyauta.
Manufar bikin ita ce bunƙasa masana’antar fina-finai a ƙasar Saudiyya – ta fuskar shirya fina-finai da kuma kasuwarsu da nunawa a sinima da aka buɗe tun shekarar 2018.
Daga: BBC Hausa
