Kwanaki kadan zuwa kafin babban taron jam’iyyar All Progressives Congress, APC, wanda za a yi a ranar 16 ga watan Oktoba, gwamnan jihar Kano Abdullahi Ganduje ya ce jihar a shirye take game da taron.
Ya bayyana hakan ne kafin fara zaman Majalisar Zartarwa a ranar Talata.
“An gudanar da zaben a mazabu, wanda daga baya aka biyo baya da na shugabannin majalisun kananan hukumomi.
“Bayan rantsar da shugabannin jam’iyyar na mazabu, yanzu muna jiran rantsar da shugabannin kananan hukumomin da aka zaba makonni kadan da suka wuce.
“A shirye muke don babban taron jam’iyyar na jiha. Muna yin dukkan shirye -shiryen da suka dace don babban taron,” in ji Ganduje.
A halin da ake ciki, gwamnan ya umarci dukkan kwamishinoni da masu ba da shawara da su halarci bikin ranar samun ‘yancin kai da ke zuwa ranar Juma’a, 1 ga watan Oktoba.
“Kwamishinan Yada Labarai na jihar Kano, Malam Muhammad Garba ne ke jagorantar kwamitocin shirya bikin ranar samun‘ yancin kan.
“Ina kuma umartar dukkan kwamishinoni da masu ba da shawara da su kasance a wurin ranar Juma’a, yayin faretin ranar ‘yancin kan,” in ji Ganduje.
